తిరుమల వెళ్లే భక్తులకు గుడ్ న్యూస్
తిరుమల వెళ్లే భక్తులకు నేటి నుంచి అలివిరి వద్ద ఉన్న భూదేవి కాంప్లెక్స్‌లో దివ్యదర్శనం టోకెన్లు జారీ చేస్తున్నారు
తిరుమల వెళ్లే భక్తులకు నేటి నుంచి అలివిరి వద్ద ఉన్న భూదేవి కాంప్లెక్స్‌లో దివ్యదర్శనం టోకెన్లు జారీ చేస్తున్నారు. నిన్నటి వరకూ తిరుమలకు నడచి వెళ్లే వెళ్లే భక్తులకు గాలిగోపురం, కాలిబాట వద్ద టోకెన్లు జారీ చేశారు. ఈరోజు నుంచి అలిపిరి వద్ద ఉన్న భూదేవి కాంప్లెక్స్ వద్ద కూడా దివ్యదర్శనం టోకెన్లు జారీ చేస్తున్నట్లు తిరుమల తిరుపతి దేవస్థానం అధికారులు ప్రకటించారు. గాలి గోపురం వద్ద తనిఖీ కేంద్రంలో ముద్ర వేయించుకుంటేనే దర్శనానికి అనుమతి లభిస్తుంది.
రోజుకు ఎనిమిది వేలు...
దివ్యదర్శనం టోకెన్లు రోజుకు 8 వేల వరకూ పంపిణీ చేయాలని నిర్ణయించింది. ఒకరోజు కోటా పూర్తయిన వెంటనే మరుసటి రోజు టోకెన్లు కూడా జారీ చేసేందుకు అనుమతి ఇచ్చారు. శ్రీవారి మెట్టు మార్గంలో ఇప్పటికే టోకెన్లు జారీ చేసే విధానం అమలులో ఉంది. అయితే అలిపిరి భూదేవి కాంప్లెక్స్ వద్ద ఈరోజు నుంచి టోకెన్లు జారీ చేస్తున్నారని తెలియడంతో పెద్ద సంఖ్యలో భక్తులు అక్కడకు చేరుకున్నారు. దీంతో పాటు తిరుపతిోని శ్రీనివాసం, గోవిందరాజు సత్రంలోనూ టోకెన్లు జారీ చేస్తారు.