కొవ్వెక్కిన కోటీశ్వరుల పాదయాత్ర .. అంబటి ఫైర్

చంద్రబాబు ఏరోజు అయినా ప్రజల ముందుకు వెళ్లి తాను ఇచ్చిన హామీలను నెరవేర్చామని చెప్పారా? అని మంత్రి అంబటి రాంబాబు ప్రశ్నించారు. చంద్రబాబు ఏ హామీ అమలు చేయరని, అధికారంలోకి రాగానే ప్రజలకు ఇచ్చిన హామీలను ఆయన పక్క పెట్టేస్తారన్నారు. ఈ విషయం మాత్రం ఆయన అనుకూల మీడియా రాయదన్నారు. ఏ పథకాలను అయినా అమలు చేస్తేనే కదా? చంద్రబాబు ప్రజల ముందుకు వెళ్లేది అని ఎద్దేవా చేశారు. తమ ప్రభుత్వం మేనిఫేస్టోలో పెట్టిన 95 శాతానికి పైగా హామీలను అమలు చేశామని చెప్పారు. అమరావతిని అభివృద్ధి చేస్తే చంద్రబాబు, ఆయన బినామీలు లబ్ది పొందాలని చూస్తున్నారన్నారు. తమ విధానం వికేంద్రీకరణ అని తొలి నుంచి చెబుతున్నామని ఆయన అన్నారు. దేవుడిని అడ్డం పెట్టుకుని కొందరు పాదయాత్ర పేరుతో మాయనాటకాలాడుతున్నారన్నారు. రైతుల పాదయాత్ర కాదని, కొవ్వెక్కిన కోటీశ్వరుల పాదయాత్ర అని అంబటి రాంబాబు అన్నారు. పాదయాత్రలో ఎవరైనా ఒక్కరైనా రైతు ఉన్నారా? అని ఆయన ప్రశ్నించారు.