తిరుమలలో వసతికి టీటీడీ కొత్త ఆలోచన

తిరుపతిలోనే వసతి గదుల గృహాలను కేటాయిస్తే గదులు దొరకని భక్తులు అక్కడే వసతిని పొంది దర్శనానికి తిరుమలకు వస్తారని ఆయన అభిప్రాయపడ్డారు. త్వరలోనే ప్రయతోగాత్మకంగా ఈ విధానాన్ని ప్రవేశపెడతామని ఈవో ధర్మారెడ్డి తెలిపారు. వీఐపీ బ్రేక్ దర్శనాలను కూడా ఉదయం పది గంటల నుంచే ప్రారంభించే యోచనలో ఉన్నామని ఆయన ఒక ప్రశ్నకు సమాధానంగా చెప్పారు. రాత్రి వేళ క్యూ లైన్లలో వేచి ఉండే భక్తులకు ఉదయం త్వరితగతిన దర్శనం కావాలంటే ఈ విధానాన్ని అమలులోకి తేవాలని భావిస్తున్నామని చెప్పారు. త్వరలో టైమ్ స్లాట్ విధానంలోనూ టోకెన్లు ఇస్తామని, దీని వల్ల తిరుపతిలోనే ఉండి తమకు కేటాయించిన సమయంలో దర్శనానికి రావచ్చని ఆయన తెలిపారు.