Cold Winds : చలిని ఎంజాయ్ చేస్తున్నారట.. మరికొద్ది రోజులు ఇలాగేనట

ప్రధానంగా రహదారులపై ప్రమాదాలు కూడా ఎక్కువగా అవుతున్నాయి. మంచు కురుస్తుండటం ముందు వెళుతున్న వాహనం కనిపించకపోవడంతో ఎక్కువ ప్రమాదాలు చోటు చేసుకుంటున్నాయి. ఉదయం 9 గంటల ప్రాంతంలో కూడా జాతీయ రహదారులపై వాహనాలు లైట్లు వేసుకుని ప్రయాణించాల్సి వస్తుంది. అయినా ప్రమాదాలు మాత్రం ఎక్కువగానే జరుగుతున్నాయి. ఉదయం వేళల్లో ప్రయాణించకపోవడమే మంచిదని పోలీసులు సయితం సూచిస్తున్నారు.

మరోవైపు ఏజెన్సీ ప్రాంతాల్లో ఉష్ణోగ్రతలు దారుణంగా పడిపోయాయి. ఆదిలాబాద్ జిల్లాలోని సోనాలలో 13 డిగ్రీల ఉష్ణోగ్రత నమోదయింది. అలాగే అల్లూరి సీతారామ జిల్లాలోని అరకు ప్రాంతంలో ఉష్ణోగ్రతలు పదిలోపే నమోదయ్యాయని వాతావరణ శాఖ అధికారులు చెబుతున్నారు. అయితే పొగమంచులో పర్యాటక కేంద్రాలకు సందర్శకుల తాకిడి పెరిగింది. చలిని ఎంజాయ్ చేసేందుకు సుదూర ప్రాంతాల నుంచి తరలి వస్తుండటంతో అరకులో కాటేజీలు కూడా దొరకడం లేదు. దీంతో తమ వాహనాల్లోనే కొందరు సందర్శకులు తలదాచుకుంటున్నారు.