Chandrababu : చంద్రబాబు త్వరలో గుడ్ న్యూస్ చెబుతారా? ఉచిత గ్యాస్ సిలిండర్ల పంపిణీ అప్పటి నుంచేనా?

రాష్ట్రంలో 1.48 కోట్ల రేషన్ కార్డులున్నాయి. ఇందులో తెలుపు రంగు రేషన్ కార్డులు కూడా దాదాపు అరవై లక్షలకు పైగానే ఉంటాయని చెబుతున్నారు. అరవై లక్షల మంది ఇళ్లకు మూడు గ్యాస్ సిలిండర్లు ఉచితంగా పంపిణీ చేయాలని నిర్ణయానికి వచ్చారు. ఇందుకు సంబంధించి ఇప్పటికే తెలుపు రంగు రేషన కార్డులున్న వారంతా కేవైసీ చేసుకోవాలని చెప్పడంతో ఇప్పటికే గ్యాస్ కంపెనీల వద్దకు క్యూ కడుతున్నారు. ఉచిత బస్సు ప్రయాణం ఆగస్టు నెలలో ప్రారంభిస్తే, మూడు ఉచిత గ్యాస్ సిలిండర్లను సెప్టంబరు లేదా అక్టోబరు నెల నుంచి ఇవ్వాలన్న యోచనలో ఉన్నారని తెలిసింది. దసరా కానుకగా మహిళలకు మూడు ఉచిత గ్యాస్ సిలిండర్లు పంపిణీ చేయాలని చంద్రబాబు దాదాపుగా నిర్ణయానికి వచ్చినట్లు ఉన్నతాధికారి ఒకరు తెలిపారు. విపక్షం విమర్శలను తిప్పికొట్టేందుకు త్వరగానే దీనిని అమలు చేసేందుకు ముఖ్యమంత్రి చంద్రబాబు సిద్ధమవుతున్నారని తెలిసింది.