యువగళం @ 1100 కి.మీ
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు 1100కిలో మీటర్లకు చేరుకోనుంది
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు 86వ రోజుకు చేరుకుంది. నేడు కూడా ఎమ్మిగనూరు నియోజకవర్గంలో జరగనుంది. నేడు లోకేష్ పాదయాత్ర 1100 కిలోమీటర్లు పూర్తి చేసుకోనుంది. ఈ సందర్భంగా లోకేష్ శిలాఫలకాన్ని ఆవిష్కరించనున్నారు.
పాదయాత్ర ఇలా...
ఈరోజు ఉదయం ఎమ్మిగనూరు శివారులోని మదర్ థెరిస్సా కళాశాల నుంచి యువగళం పాదయాత్ర ప్రారంభమయింది. ఉదయం 11.45 గంటలకు రాళ్లదొడ్డిలో బీసీ సామాజికవర్గం ప్రజలతో ఆయన ముఖాముఖి కార్యక్రమంలో పాల్గొంటారు. గోనెగండ్ల ఎంపీడీవో కార్యాలయం వద్ద మైనారిటీలతో భేటీ అవుతారు. ఎస్సీ సామాజికవర్గీయులతో కూడా నేడు సమావేశమవుతారు.