హైదరాబాద్ ను విశ్వనగరంగా మారుస్తాం

హైదరాబాద్ నగరాన్ని విశ్వనగరంగా మార్చేందుకు అన్ని ప్రయత్నాలు చేస్తున్నామని ముఖ్యమంత్రి కేసీఆర్ అన్నారు. శంషాబాద్ లో రెండో రన్ వే కూడా వస్తుందన్నారు. అందుకు అనుగుణంగానే హైదరాబాదీలకు మరింత సౌకర్యాలను మెరుగుపర్చేందుకు మెట్రో రైలును విస్తరిస్తామని తెలిపారు. హైదరాబాద్ చుట్టూ మెట్రో రైలు రావాల్సి ఉందన్నారు. కేంద్ర ప్రభుత్వం సహకారం ఉన్నా, లేకున్నా మెట్రో రైలును ఏర్పాటు చేసుకుందామన్నారు. ఎంత ఖర్చు చేయడానికైనా రాష్ట్ర ప్రభుత్వం వెనకాడదని కేసీఆర్ అన్నారు. జనాభా పెరుగుదలకు అనుగుణంగా సౌకర్యాలను పెంచుకోవాలని ఆయన కోరారు. భవిష్యత్ ను అంచనా వేసుకుని మున్సిపల్ శాఖ వ్యవహరించాలన్నారు. రాష్ట్ర ప్రభుత్వం అందుకు సహకారం అందిస్తుందన్నారు.