నేటి నుంచి ఫార్ములా ఈ రేసింగ్

హైదరాబాద్ లో ఫార్ములా ఈ రేసింగ్ జరగడం ప్రతిష్టాత్మకం. అయితే ఈ రేస్ సందర్భంగా ట్రాఫిక్ ఆంక్షలు విధించారు. ఆ ప్రాంతంలోకి ఐదు రోజుల నుంచి ఎలాంటి వాహనాలను అనుమతించకపోవడంతో ప్రజల్లో కొంత అసహనం బయలుదేరింది. అయినా ప్రపంచ వ్యాప్తంగా పేరొందిన రేస్ ను నగరంలో ప్రారంభం కావడం గర్వకారణమని పాలకులు చెబుతున్నారు. ఈ రేస్ లో జనరేషన్ - 3 కార్లు పరుగులు తీయనున్నాయి.

రేసింగ్ అభిమానులు ఎంతో ఆసక్తిగా ఎదురు చూస్తున్నారు. మొత్తం 11 జట్లు ఈ రేసుల్లో పాల్గొననున్నాయి. ఇరవై రెండు మంది డ్రైవర్లు ఈ ప్రి పోరులో తమ ప్రతిభను చూపెట్టబోతున్నారు. ఇప్పటికే ఈ రేస్ ను వీక్షించేందుకు నగరంలోని ప్రముఖులు, రేసింగ్ అభిమానులు టిక్కెట్లను కొనుగోలు చేశారు. టిక్కెట్లన్నీ హాట్ కేకుల్లా అమ్ముడు పోయాయి. మధ్యాహ్నం మూడు గంటల నుంచి ప్రారంభం కానున్న ఈ రేస్ కోసం నగరవాసులు ఆసక్తితో ఎదురు చూస్తున్నారు.