అటు నుంచి వస్తే భారీ ఫైన్

హైదరాబాద్ లో ట్రాఫిక్ నిబంధనలను అతిక్రమించిన వారిపై పోలీసులు ఉక్కుపాదం మోపనున్నారు. ఈ నెల 28వ తేదీ నుంచి ట్రాఫిక్ విషయంలో ప్రత్యేక డ్రైవ్ ను నిర్వహించనున్నారు. ఇందులో భాగంగా ట్రిపుల్ రైడింగ్ చేస్తే పన్నెండు వందల రూపాయలు, రాంగ్ రూట్ లో డ్రైవింగ్ చేస్తే పదిహేడు వందల రూపాయలు జరిమానా విధించనున్నారు. ఈ మేరకు ట్రాఫిక్ పోలీసులు నగర వాసులకు విజ్ఞప్తి చేశారు. ట్రాఫిక్ నిబంధనలను పాటిస్తూ సక్రమంగా వాహనాలు వెళ్లేలా సహకరించాలని పోలీసులు కోరుతున్నారు.