రష్యాకు షాకిచ్చిన యూట్యూబ్, గూగుల్ ప్లే

ఇదివరకే యూ ట్యూబ్, గూగుల్ రష్యా వాణిజ్య ప్రకటనలను నిషేధించాయి. తాజాగా చెల్లింపులతో కూడిన సేవలన్నింటినీ రష్యాలో నిలిపివేస్తున్నట్లు ఆ రెండు సంస్థలు తెలిపాయి. ఈ నిర్ణయంతో రష్యాకు చెందిన వినియోగదారులకు యూ ట్యూబ్ ప్రీమియమ్, ఛానెల్ మెంబర్ షిప్, సూపర్ ఛాట్, మర్కెండైజ్ సేవలు అందుబాటులో ఉండవు. పాశ్చాత్య దేశాలు ర‌ష్యాకు సంబంధించి బ్యాంకింగ్ సేవ‌ల‌ను నిలిపివేయ‌డంతో త‌మ సేవ‌ల చెల్లింపుల‌కు అంత‌రాయం కలుగుతుండటంతో ఆ రెండు సంస్థలు ఈ నిర్ణయం తీసుకున్నట్లు తెలుస్తోంది.