INDvsENG: నేడే ఆఖరి టెస్ట్ మ్యాచ్.. భయపెడుతున్న వాతావరణం

చల్లని ఉష్ణోగ్రతలు వర్షం కారణంగా గేమ్‌కు అనేకసార్లు అంతరాయం కలగవచ్చు. ఆఖరి టెస్ట్ మ్యాచ్ మొత్తం వర్షం ప్రభావం చూపే అవకాశాలు ఉన్నాయని అంటున్నారు. అంతేకాకుండా ధర్మశాల టెస్ట్ మ్యాచ్ మొదటి రోజు వాష్ అవుట్ అయ్యే ప్రమాదం కూడా ఉందని భావిస్తూ ఉన్నారు. చివరి టెస్టు మ్యాచ్ ప్రారంభం కావడానికి ముందు నుండి ధర్మశాలలో వాతావరణం ఆందోళనకరంగా ఉంది. అక్యూవెదర్ ప్రకారం టెస్టు మొదటి రెండు రోజులలో చల్లటి వర్షం, ఉరుములతో కూడిన వర్షం కురిసే అవకాశం ఉందని అంచనా వేసింది. ఆ తర్వాత రెండు రోజులు చాలా తక్కువ వర్షపాతం నమోదయ్యే అవకాశం ఉండగా.. ఎక్కువగా ఎండ ఉంటుందని అంచనా వేస్తున్నారు. టెస్ట్ జరిగే ఐదు రోజులలో ధర్మశాలలో ఉష్ణోగ్రత 1వ రోజు 9 డిగ్రీల నుండి 5వ రోజు 20 డిగ్రీల వరకు ఉంటుందని అంచనా వేశారు.