ఫైనల్ లో ఓడిన ప్రజ్ఞానంద.. దేశం గర్వించేలా చేశాడు

అజర్ బైజాన్ లోని బాకు నగరంలో జరిగిన ఫిడే ప్రపంచకప్ ఫైనల్లో భారత గ్రాండ్ మాస్టర్ ప్రజ్ఞానందకు నిరాశ ఎదురైంది. వరల్డ్ నెంబర్ వన్ మాగ్నస్ కార్ల్ సన్ తో జరిగిన ఫైనల్ పోరులో 18 ఏళ్ల ప్రజ్ఞానంద ఓటమిపాలయ్యాడు. కార్ల్ సన్, ప్రజ్ఞానంద మధ్య ఫైనల్లో రెండు క్లాసికల్ గేమ్ లు డ్రాగా ముగియడంతో, టై బ్రేక్ లో భాగంగా ర్యాపిడ్ రౌండ్ నిర్వహించారు. తొలిగేమ్ లో కార్ల్ సన్ గెలవగా, రెండో గేమ్ డ్రాగా ముగిసింది. రెండో గేమ్ లో ప్రజ్ఞానంద గెలిచి ఉంటే, ఈ పోరు బ్లిట్జ్ రౌండ్ కు దారితీసేది. రెండో గేమ్ ను ప్రజ్ఞానంద డ్రా చేసుకోవడంతో కార్ల్ సన్ ప్రపంచకప్ విజేతగా అవతరించాడు. ఐదు సార్లు వరల్డ్ చెస్ చాంపియన్ షిప్ టైటిళ్లు సాధించిన 30 ఏళ్ల నార్వే గ్రాండ్ మాస్టర్ కార్ల్ సన్ కు కెరీర్ లో ఇదే తొలి ఫిడే వరల్డ్ కప్ టైటిల్. గతంలో పలుమార్లు కార్ల్ సన్ ను ఆన్ లైన్ చెస్ లో ఓడించిన ప్రజ్ఞానంద ముఖాముఖి పోరులో ఓడించిలేకపోయాడు. ఇది చాలా చిన్న వయసులో ప్రజ్ఞానంద సాధించిన అద్భుతమైన ఫీట్ గా అభివర్ణిస్తూ ఉన్నారు. ఫైనల్ లో ఓడినందుకు బాధపడకూడదని.. అద్భుతమైన ఆటతీరు కనబరిచావంటూ ప్రధాని మోదీ సహా పలువురు అంటున్నారు.