Nithish kumar Reddy : మనోడికి లక్కీ ఛాన్స్? నితీష్ రెడ్డికి టెస్ట్ అవకాశం?

ఐపీఎల్ లో మెరిసి…

నితీష్ కుమార్ రెడ్డి ఆల్ రౌండర్ గా పేరుంది. ఐపీఎల్ లో మెరిసిన మనోడు ఇక వెనుదిరిగి చూడటం లేదు. 21 ఏళ్ల వయసున్న నితీష్ కుమార్ రెడ్డి ఇటు బ్యాటింగ్ లో రాటు దేలాడు. అలాగే బౌలింగ్ లోనూ తన సత్తా చూపుతున్నాడు. బంగ్లాదేశ్ తో జరిగిన టీ 20 సిరీస్ లో నితీష్ కుమార్ రెడ్డి సెలెక్టర్ల దృష్టిలో పడ్డాడు. ఇతనిని ఆల్ రౌండర్ గా వినియోగించుకుంటే భారత్ జట్టుకు మంచి ఉపయోగమని బీసీసీఐ భావిస్తుంది. ఇప్పటికే టెస్ట్ మ్యాచ్ లకు సెలెక్ట్ అయిన నితీష్ కుమార్ రెడ్డి ఇక క్యాప్ పెట్టుకోవడమే తరువాయి.

ఆల్ రౌండర్ గా…

బౌలింగ్ పరంగా కూడా నితీష్ కుమార్ రెడ్డి ప్రత్యర్థులను చిత్తు చేసే అవకాశాలున్నాయి. ఇక బ్యాటింగ్ విషయంలోనూ పేరు పెట్టడానికి వీలులేదు. ఆస్ట్రేలియాలో పేస్ పిచ్, బౌన్స్ కు అనుకూలం కావడంతో నితీష్ కుమార్ రెడ్డిని తొలి టెస్ట్ లో ఆడించే అవకాశాలను కొట్టిపారేయలేం. ఆల్ రౌండర్ గా అలరించే అవకాశం ఉండటంతో నితీష్ పేరు పరిశీలనలో ఉందని చెబుతున్నారు. అదే జరిగితే ఇప్పటికే అంతర్జాతీయ మ్యాచ్ లలో అదరగొడుతున్న తెలుగు కుర్రాళ్ల జాబితాలో నితీష్ కుమార్ రెడ్డి పేరు కూడా చేరడం ఖాయంగా కనిపిస్తుంది. చూడాలి మరి ఏం జరుగుతుందో?