Revanth Reddy : కేసీఆర్ కాళ్లకు కళ్లెం.. మిషన్ భగీరధపై కూడా విచారణకు సిద్ధం?

కాంగ్రెస్ అధికారంలోకి వచ్చిన తర్వాత వరసగా విచారణలకు ప్రభుత్వం ఆదేశిస్తుంది. గత బీఆర్ఎస్ ప్రభుత్వం పదేళ్ల పాటు అధికారంలో ఉండటంతో అనేక పథకాలను, ప్రాజెక్టులను చేపట్టింది. ఈ పదేళ్లు ప్రతిపక్షంలో ఉన్న కాంగ్రెస్ పార్టీ బీఆర్ఎస్ అమలు చేసిన పథకాల్లో, ప్రాజెక్టుల్లో పెద్దయెత్తున అవినీతి జరిగిందని ఆరోపణలు గుప్పించారు. ఎన్నికల్లోనూ ప్రధాన అస్త్రంగా మలిచారు. అలాంటిది ఇప్పుడు అధికారంలోకి వచ్చిన వెంటనే గత బీఆర్ఎస్ ప్రభుత్వం చేపట్టిన పనులపై విచారణను చేపడుతున్నారు. మేడిగడ్డ వద్ద పగుళ్లు రావడంతో ఎటూ విచారణకు ప్రభుత్వం ఆదేశించింది. కాళేశ్వరం ప్రాజెక్టులో వేల కోట్లు అవినీతి జరిగిందని ఆరోపిస్తున్న కాంగ్రెస్ ఇప్పుడు అధికారంలోకి రాగానే విచారణ చేయించడానికి సిద్ధమయింది.