తెలంగాణకు వచ్చిన జాతీయ పసుపు బోర్డు వల్ల ప్రయోజనం ఏంటి?
ఇటీవల తెలంగాణకు వచ్చిన ప్రధాని నరేంద్ర మోడీ జాతీయ పసుపు బోర్డు ఏర్పాటు చేస్తున్నట్లు ప్రకటించిన విషయం తెలిసిందే..
ఇటీవల తెలంగాణకు వచ్చిన ప్రధాని నరేంద్ర మోడీ జాతీయ పసుపు బోర్డు ఏర్పాటు చేస్తున్నట్లు ప్రకటించిన విషయం తెలిసిందే. ఎప్పటి నుంచి పసుపు బోర్డు ఏర్పాటు చేయాలని డిమాండ్‌ ఉన్న విషయం తెలిసిందే. మోడీ పసుపు బోర్డు ప్రకటించడంపై రైతులు హర్షం వ్యక్తం చేశారు. ఈ బోర్డు దేశంలో పసుపు, దాని ఉత్పత్తుల అభివృద్ధికి పూర్తి స్థాయిలో శ్రద్ధ వహిస్తుంది.పసుపు బోర్డు తీసుకురావడానికి జాతీయ పసుపు బోర్డు స్పైసెస్ బోర్డు, ఇతర ప్రభుత్వ సంస్థల సహకారంతో పని చేస్తుంది. పసుపు ఉత్పత్తుల సంప్రదాయ పరిజ్ఞానంతో పాటు, పరిశోధన, అభివృద్ధి ద్వారా కొత్త ఉత్పత్తులను అభివృద్ధి చేయడానికి, వాటిని కొత్త అంతర్జాతీయ మార్కెట్‌లకు అందించడానికి ప్రయత్నాలను చేస్తుంది.
పసుపు బోర్డులో ఎవరెవరు ఉంటారు..?
ఇక పసుపు బోర్డు ఏర్పాటు తర్వాత ఆ బోర్డులో ఎవరెవరు ఉంటారన్నది చాలా మంది సందేహం రావచ్చు. నేషనల్ టర్మరిక్ కౌన్సిల్‌లో ఆయుష్ మంత్రిత్వ శాఖ, ఔషధాల శాఖ, వ్యవసాయం, రైతుల సంక్షేమ శాఖ, వాణిజ్యం, పరిశ్రమలు, పరిశోధనా సంస్థల నిపుణులు ఉంటారు. అలాగే, పసుపు రైతుల ప్రతినిధులు, పసుపు ఎగుమతిదారులు, మూడు రాష్ట్రాల ప్రభుత్వ ప్రతినిధులు కూడా ఇందులో సభ్యులు. రాష్ట్రాల ప్రాతినిధ్యం ప్రతి సంవత్సరం మారుతుంది. ఈ బోర్డులో ఒక ఛైర్మన్, సెక్రటరీ కూడా ఉంటారు. కేంద్ర వాణిజ్య శాఖ బోర్డు కార్యదర్శి పదవిని ఎంపిక చేస్తుంది.
భారత్‌ ప్రపంచంలోనే అతిపెద్ద పసుపు ఉత్పత్తిదారు:
కాగా, భారత్‌ ప్రపంచంలోనే అతిపెద్ద పసుపు ఉత్పత్తిదారు, ఎగుమతిదారు.. వినియోగదారు కూడా. కేంద్ర మంత్రిత్వ శాఖ గణాంకాల ప్రకారం.. భారతదేశం సంవత్సరానికి 11 లక్షల టన్నులకు పైగా పసుపును ఉత్పత్తి చేస్తుంది. ప్రపంచ పసుపు ఉత్పత్తిలో భారతదేశం వాటా ఇది 75 ఉంది. భారతదేశంలో 3.24 లక్షల హెక్టార్ల విస్తీర్ణంలో పసుపు పంటను సాగవుతోంది. దేశంలో పసుపులో 30కి పైగా రకాలు ఉన్నాయి. తెలంగాణ, మహారాష్ట్ర, కర్ణాటక, తమిళనాడు ప్రధాన పసుపు పండించే రాష్ట్రాలు ఉన్నాయి. తెలంగాణలో పసుపును ఎక్కువగా పండిస్తారు. ముఖ్యంగా నిజామాబాద్, నిర్మల్, జగతీయల్ జిల్లాల్లో పసుపును ఎక్కువగా పండిస్తారు.
పసుపు బోర్డు ఏర్పాటుతో ప్రయోజనం ఏంటి?
పసుపు బోర్డు ఏర్పాటు వల్ల చాలా ప్రయోజనాలున్నాయి. పసుపు మార్కెట్‌ను పెంచడానికి, అలాగే కొత్త పసుపు ఉత్పత్తులను అభివృద్ధి చేయడానికి బోర్డు సహాయం చేస్తుంది. పసుపును వివిధ అంతర్జాతీయ మార్కెట్‌లకు తీసుకెళ్లడంలో బోర్డు కీలక పాత్ర పోషిస్తుంది. ఈ బోర్డు వల్ల పసుపు సాగు చేసే రైతులకు మరింత మేలు జరుగుతుంది.ఒక ఎకరంలో 45 క్వింటాళ్ల వరకు పసుపు లభిస్తుంది. క్వింటాల్ పసుపు రూ.11వేలు. పసుపు బోర్డు ఏర్పాటుతో రైతులకు అధిక ధరలు లభిస్తాయి.