జైలుకు పంపినా... తగ్గేదే లేదు

స్పీకర్ ను కలసి మాట్లాడాలని సమయం ఇవ్వాలని కోరితే నవ్వి వదిలేశారని రాహుల్ తెలిపారు. అదానీ, మోడీ స్నేహం గురించి పార్లమెంటు సమావేశాల్లో తాను మాట్లాడానని తెలిపారు. తాను స్పీకర్ కు రెండు లేఖలు రాస్తే వాటికి సమాధానం లేదని చెప్పారు. తాను దేశంలో ప్రజాస్వామ్యం కోసం పోరాడనని, పోరాడుతూనే ఉంటానని చెప్పారు. అదానీ, మోడీ స్నేహం ఈనాటిది కాదని, ఎప్పటి నుంచో వీరి మధ్య సంబంధాలు కొనసాగుతున్నాయని తెలిపారు. మోదీ గుజరాత్ ముఖ్యమంత్రిగా ఉన్న నాటి నుంచే వీరి బంధం కొనసాగుతుందన్నారు.

తాను ఎవరికీ భయపడే వ్యక్తిని కానని రాహుల్ తెలిపారు. నిబంధనలు తుంగలోకి తొక్కి వ్యవహరిస్తున్నా విపక్షాలు ప్రశ్నించకుండా ఉండాలంటే ఎలా అని రాహుల్ గాంధీ ప్రశ్నించారు. తనపై అనర్హత వేటు వేసినా, జైలుకు పంపినా వెనక్కు తగ్గేది లేదన్నారు. తాను దేశంలో ప్రజాస్వామ్యం కోసం పోరాడుతూనే ఉంటానని తెలిపారు. తాను విదేశీ శక్తుల నుంచి సమాచారం తీసుకున్నానని తప్పుడు ప్రచారం చేస్తున్నారన్నారు.