కుదిరిన ఒప్పందం.. సీట్ల సర్దుబాటు సవ్యంగానే

పశ్చిమ బెంగాల్ ఎన్నికల నోటిఫికేషన్ విడుదల కావడంతో ప్రధాన పార్టీలు సీట్లను సర్దుబాటు చేసుకుంటున్నాయి. పశ్చిమ బెంగాల్ లో కాంగ్రెస్, వామపక్షాలు కలసి పోటీచేస్తున్న సంగతి తెలిసిందే. అయితే ఈ సందర్భంగా రెండు పార్టీల మధ్య జరిగిన చర్చల్లో కాంగ్రెస్ కు 92 స్థానాలు కేటాయించారు. మిగిలిన 202 స్థానాల్లో వామపక్ష పార్టీ అభ్యర్థులు పోటీ చేయనున్నారు. ఎనిమిది విడతలుగా పశ్చిమ బెంగాల్ ఎన్నికలు జరగనున్న సంగతి తెలిసిందే. సీట్ల సర్దుబాటు కావడంతో ప్రచారాన్ని కాంగ్రెస్, వామపక్ష పార్టీలు ముమ్మరం చేయనున్నాయి.