పవన్ సంచలన నిర్ణయం.. జనవాణి వాయిదా

అరెస్ట్ చేసిన వారిని వదిలిపెట్టేంతవరకూ తాను జనవాణి కార్యక్రమానికి వెళ్లనని జనసేన అధినేత పవన్ కల్యాణ్ తెలిపారు. భవిష్యత్ కార్యాచరణపై తాము కూర్చుని చర్చించుకుంటామన్నారు. శాంతిభద్రతలు కాపాడటానికి తాను సహకరిస్తానని తెలిపారు. పోరాటం మాత్రం ఆగదని ఆయన తెలిపారు. తమ పార్టీ నేతలపై 307 కేసులు పెట్టారన్నారు. జనవాణి విశాఖలో నిర్వహించాలని మూడు నెలల క్రితమే ఖరారయిందన్నారు. తాము పోటీకి ఎందుకు దిగుతామని ఆయన ప్రశ్నించారు. విశాఖలో ఆయన మీడియా సమావేశంలో మాట్లాడారు. ఎన్నికల సమయంలోనే తాము పోటీకి దిగుతామని అన్నారు. పోలీసులు అడ్డగోలుగా వ్యవహరించారని అన్నారు. తాము ఎక్కడికి వెళ్లాలో వైసీపీ నిర్ణయిస్తుందా? అని ఆయన నిలదీశారు. ప్రభుత్వం సమస్యలను పరిష్కరిస్తే ఎందుకు తమ వద్దకు ఎందుకు ప్రజలు వస్తారని పవన్ ప్రశ్నించారు. గంజాయి సాగు చేసేవారిని వదిలేస్తున్నారని, దోపిడీ చేసే వారికి నేరగాళ్లకు కొమ్ముకాస్తున్నారని ప్రజల సమస్యలను పట్టించుకునే వారిని మాత్రం అరెస్ట్ చేస్తున్నారని ఆయన అన్నారు.