ఆ నిధులు ఇక ఇవ్వలేం.. ఏపీకి తేల్చి చెప్పిన కేంద్రం

ఆంధ్రప్రదేశ్ లోని పంచాయతీలకు కేంద్ర ప్రభుత్వం విడుదల చేయాల్సిన నిధులను విడుదల చేయడం లేదు. 14వ ఆర్థిక సంఘం కాలవ్యవధి ముగియడంతోనే నిధులు విడుదల చేయలేమని కేంద్ర ప్రభుత్వం స్పష్టం చేసింది. రాజ్యసభలో వైసీపీ ఎంపీ విజయసాయిరెడ్డి అడిగిన ప్రశ్నకు సమాధానంగా కేంద్ర మంత్రి కపిల్ మోరేశ్వర్ పాటిల్ చెప్పారు. కేంద్ర ప్రభుత్వం నుంచి ఏపీ పంచాయతీలకు రావాల్సిన 529 కోట్ల నిధులను విడుదల చేయలేమని ఆయన పేర్కొన్నారు.