Chandrababu : మరో కొత్త పథకం... వారికి గుడ్ న్యూస్.. లక్ష ఇస్తారు.. అర్హతలివే

వివాహం చేసుకోబోయే తేదీకి ఒక నెలరోజులు ముందుగా దరఖాస్తు చేసుకోవాల్సి ఉంటుంది. వధువు మైనార్టీ వర్గానికి చెందడంతోపాటు ఆంధ్రప్రదేశ్ లో నివసిస్తున్న వారు అవ్వాలి. వరుడికి 21 సంవత్సరాలు, వధువుకు 18 సంవత్సరాలు నిండాలి. వధువు తల్లిదండ్రుల వార్షికాదాయం పట్టణాల్లో రూ.2 లక్షల రూపాయల లోపు, గ్రామాల్లో రూ.1.50 లక్ష లోపు ఉండాలి. ఈ అర్హతలు ఉంటే చాలు వివాహం చేసుకున్న మైనారిటీ యువతికి లక్ష రూపాయలు అందచేస్తారు.

వధువు, వరుడి జన్మదిన సర్టిఫికెట్లు, ఇద్దరి ఆధార్ కార్డులు, లేటెస్ట్ ఫొటోలు, పాస్ పోర్టు సైజ్ ఫొటోలు, వివాహ ధ్రువీకరణ పత్రం, రేషన్ కార్డు, ఓటర్ ఐడీ, వివాహ ఆహ్వాన పత్రం, నివాస ధ్రువీకరణ పత్రం, ఇద్దరి బ్యాంకు ఖాతాల వివరాలు, వాటి ఐఎఫ్ఎస్ సీ కోడ్, ఎంఐసీఆర్ కోడ్, బ్యాంకు శాఖ పేరు అందించాలి. వరుడు, వధువు ఫొటోలు, ఇద్దరి ఆధార్ కార్డులు, రేషన్ కార్డు, శుభలేఖ, వయసు ధ్రవీకరణ పత్రం, బ్యాంక్ పాస్ బుక్ పత్రాలను స్కాన్ చేసి అప్ లోడ్ చేయాలి.అలాగే స్కాన్ చేసిన పత్రాలు సైజ్ తక్కువలో తక్కువగా 50 కేబీ నుంచి 150 కేబీ వరకు ఉండాలి. వెబ్ సైట్ ప్రారంభం కాగానే ప్రభుత్వం పోర్టల్ తెరవబోతోంది. ఆన్ లైన్ లో దరఖాస్తు చేసుకున్న తర్వాత స్థానిక తహశీల్దార్ కు వీటిని పంపించాలి. ఆయన మైనార్టీల సంక్షేమ అధికారికి వాటిని పంపిస్తారు. అందుకు వారం రోజుల సమయం తీసుకుంటారు. తర్వాత జిల్లా మైనార్టీ సంక్షేమ అధికారి ఆన్ లైన్ లో డబ్బులు ఇస్తారు. వివాహానికి పదిరోజులు ముందుగా వధువు ఖాతాలో జమవుతాయని అధికారులు తెలిపారు.