Tirumala : తిరుమలలో బాగా తగ్గిన రద్దీ... శనివారం దర్శన సమయం ఎంతంటే?

తిరుమలలో భక్తుల రద్దీ బాగా తగ్గింది. శనివారం అయినా భక్తుల రద్దీ తక్కువగానే ఉంది. కంపార్ట్ మెంట్లలో వేచి ఉండకుండానే నేరుగా స్వామి వారిని దర్శించుకునే వీలు నేడు కలుగుతుంది. శనివారం నాడు తిరుమలలో సహజంగా భక్తుల రద్దీ ఎక్కువగా ఉంటుంది. అలాంటిది నిన్నటి వరకూ భక్తుల తాకిడి ఎక్కువగా ఉన్న తిరుమల ఒక్కసారిగా బోసిపోయినట్లు కనిపించింది. తిరుమల శ్రీ వెంకటేశ్వరస్వామికి ఇష్టమైన రోజు శనివారం కావడంతో ఆరోజు ఎక్కువ మంది భక్తులు స్వామి వారిని దర్శించుకునేందుకు తిరుమలకు తరలి వస్తారు. అయితే నేడు భక్తుల రద్దీ తక్కువగానే ఉంది. భారీ వర్షాలు కురుస్తాయన్న వాతావరణ శాఖ అధికారులు చేసిన హెచ్చరికలతో భక్తుల రద్దీ తక్కువగా ఉందని భావించవచ్చు. మరోవైపు శనివారం రద్దీ ఎక్కువగా ఉంటుందని స్వామి వారి చెంతకు వచ్చేందుకు భక్తులు కొంత వెనకడుగు వేయడంతోనే శనివారం భక్తుల రద్దీ తక్కువగా ఉందని తిరుమల తిరుపతి దేవస్థానం అధికారులు తెలిపారు. శనివారం రద్దీ ఎక్కువగా ఉంటుందని భావించి అన్ని చర్యలు తీసుకున్నా భక్తులు అంతంత మాత్రంగానే ఉండటంతో అధికారులే ఆశ్చర్యపోతున్నారు. మాడ వీధులన్నీ భక్తులు పెద్దగా లేక బోసి పోయి కనిపిస్తున్నాయి.

వైకుంఠ ఏకాదశి టిక్కెట్లు....