Tirumala : నేడు తిరుమల శ్రీవారి దర్శనం నేరుగా.. వేచి ఉండకుండానే?

తిరుమలలో గత కొద్ది రోజులుగా రద్దీ తగ్గినప్పటికీ హుండీ ఆదాయం మాత్రం తగ్గడం లేదు. భక్తుల సంఖ్య తక్కువగా ఆదాయం మాత్రం బాగానే ఉందని అధికారులు చెబుతున్నారు. ఈరోజు తిరుమల వైకుంఠం కాంప్లెక్స్‌లోని అన్ని కంపార్ట్‌మెంట్లు ఖాళీగానే ఉన్నాయి. వచ్చినవారిని వచ్చినట్లుగానే నేరుగా స్వామి వారి దర్శనానికి పంపుతున్నారు. ఉచిత దర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు ఆరు గంటల సమయం శ్రీవారి దర్శనానికి పడుతుందని తిరుమల తిరుపతి దేవస్థానం అధకిారులు తెలిపారు. టైం స్లాట్ దర్శనం భక్తులకు కేవలం రెండు గంటల్లోనే పూర్తవుతుంది. ఇక మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు ఒక గంటలో శ్రీవారి దర్శనం పూర్తవుతుందని అధికారులు తెలిపారు. నిన్న తిరుమల శ్రీవారిని 67,616 మంది భక్తులు దర్శించుకున్నారు. వీరిలో 22,579 మంది భక్తులు తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.89 కోట్ల రూపాయలు వచ్చిందని అధికారులు తెలిపారు.