కొండమీద రోజా అనుచరులతో హంగామా

తిరుమలలో మంత్రుల హంగామా ఎక్కువయింది. తమ అనుచరులను ఎక్కువమందిని తిరుమలకు తీసుకు వచ్చి దర్శనాలకు పట్టుబడుతున్నారు. మంత్రులే టీటీడీపై అధికారులపై వత్తిడి తెస్తున్నారు. తాజాగా మంత్రి ఆర్కే రోజా 30 మంది అనుచరులతో ప్రొటోకాల్ బ్రేక్ దర్శనం కోసం పట్టుబట్టారు. అయితే టీటీడీ అధికారులు అందుకు అంగీకరించలేదు. మంత్రి రోజాతోపాటు కేవలం పది మందికే ప్రొటోకాల్ దర్శనానికి టీటీడీ అధికారులు అనుమతించారు. మిగిలిన 20 మందికి సాధారణ బ్రేక్ దర్శనాలకే అనుమతించారు. దీంతో రోజా టీటీడీపై అసహనం వ్యక్తం చేశారు. వారి నిర్ణయాన్ని గౌరవించాల్సి ఉంటుందని, తమ నియోజకవర్గ ప్రజల కోసం రెండు గంటల పాటు తాను ఆలయంలోనే ఉండాల్సి వచ్చిందని అసంతృప్తి వ్యక్తం చేశారు రోజా.