నేడు నంద్యాలలోకి లోకేష్
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు నంద్యాల నియోజకవర్గంలోకి ప్రవేశించనుంది
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు నంద్యాల నియోజకవర్గంలోకి ప్రవేశించనుంది. ఇప్పటి వరకూ నారా లోకేష్ 1283 కిలోమీటర్ల దూరం నడిచారు. నారా లోకేష్ యువగళం పాదయాత్ర నేటికి 101వ రోజుకు చేరుకుంది. బండి ఆత్మకూరు నుంచి ప్రారంభమైన పాదయాత్ర సాయంత్రం నాలుగు గంటలకు నంద్యాల నియోజకవర్గంలోకి ప్రవేశించనుంది.
చేరికలు...
సాయంత్రం.4.30 గంటలకు పార్ణపల్లెలో లోకేష్ సమక్షంలో పార్టీలో చేరికలు ఉంటాయని పార్టీ వర్గాలు వెల్లడించాయి. 6.05 గంటలకు ఎ.కోడూరులో స్థానికులతో మాటామంతీ కార్యక్రమంలో లోకేష్ పాల్గొంటారు. 6.30 గంటలకుకొత్తపల్లిలో స్థానికులతో మాటామంతీ కార్యక్రమంలో పాల్గొంటారు. 7.05 గంటలకు కొత్తపల్లిలో స్థానికులతో సమావేశం కానున్నారు. 8.45 గంటలకు కొత్తపల్లిలో నిలచిపోయిన కాపుభవన్ నిర్మాణపనులను లోకేష్ పరిశీలించనున్నారు. అనంతరం మూలమట్టం విడిది కేంద్రంలో బస చేయనున్నారు.