Ys Jagan : చంద్రబాబు ప్రజాగ్రహానికి గురి కాక తప్పదు

గతంలో వైసీపీ ప్రభుత్వం అధికారంలో ఉన్నప్పుడు కూడా ఖజానా నిండా డబ్బులు లేవని, అయినా సరే సాకులు చెప్పలేదని, సంక్షేమ పథకాలను అమలు చేసి చూపించామని వైఎస్ జగన్ చెప్పారు. మాట ఇచ్చిన తర్వాత దానిని నిలుపుకోవడానికే మనం ప్రయత్నించామన్న జగన్ శక్తికి మించి పనిచేశామని తెలిపారు. చంద్రబాబు బిర్యానీ పెడతాడని భావించి ప్రజలు అందలం ఎక్కిస్తే ప్రజలకు ఉత్త చేతులు చూపుతున్నారన్నారు. ఇంతవరకూ రైతు భరోసా అందలేదని, ఫీజు రీఎంబర్స్‌మెంట్, తల్లికి వందనం, మహిళలకు ఉచిత బస్సు ప్రయాణం వంటి ఊసే ఎత్తడం లేదన్నారు.