‌Hyderabad : సరోజినిదేవి కంటి ఆసుపత్రికి క్యూ కట్టిన బాధితులు.. దీపావళి టపాసులు పేలుస్తుండగా

రాత్రి పొద్దుపోయే వరకూ దాదాపు 70 మంది వరకూ సరోజిని దేవి ఆసుపత్రికి వచ్చారు. వీరిలో ఒకరి పరిస్థితి విషమంగా ఉందని వైద్యులు తెలిపారు. కొందరు కంటి సమస్యలతో ఇబ్బందులతో పడి ఆసుపత్రులకు వస్తున్నారు. మరికొందరు చేతులు, కాళ్లు కాలిపోయి వివిధ ఆసుపత్రులకు చేరుతున్నారు. దీపావళి పండగ రోజు అజాగ్రత్తగా ఉండటం వల్లనే ఇంత పెద్ద సంఖ్యలో ప్రమాదాలు జరుగుతున్నాయని వైద్యులు చెబుతున్నారు. సరైన జాగ్రత్తలు పాటించాలని పదే పదే చెబుతున్నప్పటికీ పెడచెవిన పెట్టడంతో కంటి సంబంధిత ఇబ్బందులు ఎదుర్కొంటూ ఆసుపత్రికి చేరుతున్నారు.