Cold Winds : తెలంగాణలో చలి చంపేస్తుందిగా.. ఉష్ణోగ్రతలు పడిపోయి?

తెలంగాణలో చలి తీవ్రత పెరిగింది. గత కొద్ది రోజులుగా ఉదయం నుంచి చలి గాలులు వీస్తున్నాయి. దీంతో అనేక మంది జలుబు, దగ్గు, జ్వరం వంటి వ్యాధుల బారిన పడుతున్నారు. ఫ్యాన్ వేసుకోవడం కూడా కష్టంగా మారింది. తెలంగాణలో అనేక ప్రాంతాల్లో కనిష్ట ఉష్ణోగ్రతలు నమోదవుతున్నాయి. ప్రధానంగా హైదరాబాద్ నగరంలోనూ చలి తీవ్రత ఎక్కువగానే ఉంది. చలికి వృద్ధులు, పిల్లలు తగిన జాగ్రత్తలు తీసుకోవాలని వైద్య నిపుణులు సూచిస్తున్నారు. అదే సమయంలో దీర్ఘకాలిక వ్యాధులున్న వారు కూడా తగిన జాగ్రత్తలు పాటించాలని చెబుతున్నారు. మార్కింగ్ వాకర్స్ కూడా చలికి తట్టుకోలేక సాయంత్రం వాక్ చేయడానికి ఎక్కువ మంది మొగ్గు చూపుతున్నారు. చలి తీవ్రత ఎక్కువగా ఉండటంతో దుప్పట్లో నుంచి బయటకు రావడానికి ఇష్టపడటం లేదు. ఉదయం పది గంటల వరకూ చలి తీవ్రత తగ్గడం లేదు. పది గంటల తర్వాత మాత్రం సూర్యుడు తన ప్రతాపాన్ని చూపుతున్నాడు. ఎండ వేడిమి అధికంగా ఉంటుంది. ఆ సమయంలోనే ఎక్కువ మంది హైదరాబాద్ నగరంలో బయటకు వస్తున్నారు.