లేఆఫ్ కి బదులు జీతంలో కోత : చిప్ రారాజు ఇంటెల్

ట్విట్టర్ తో మొదలైన లేఆఫ్ ను.. దాదాపు అన్ని టెక్ కంపెనీలు అనుసరిస్తున్నాయి. కానీ.. చిప్ రారాజు అయిన ఇంటెల్ మాత్రం లేఆఫ్ కి బదులు ఉద్యోగుల వేతనాల్లో కోత విధించాలని కీలక నిర్ణయం తీసుకుంది. కంపెనీ సీఈఓ స్థాయి నుండీ.. కిందిస్థాయి ఉద్యోగుల వరకూ ఈ నిబంధనను అమలు చేయాలని నిర్ణయించింది ఇంటెల్. నిపుణులు ఇంటెల్ తీసుకున్న ఈ నిర్ణయాన్ని సమర్థిస్తున్నారు. చాలామంది ఉద్యోగాలు కోల్పోతున్నవేళ.. ఇంటెల్ మాత్రం భిన్నంగా ఆలోచించిందని కొనియాడుతుండటం విశేషం. కంపెనీపై పెరిగిపోతున్న ఆర్థిక పరమైన భారాన్ని తగ్గించుకునేందుకే ఈ నిర్ణయం తీసుకున్నట్టు ఇంటెల్ తెలిపింది.