మూడో రోజూ తగ్గిన బంగారం ధర

బంగారాన్ని పెట్టుబడిగా చూసినప్పుడే దానికి డిమాండ్ అధికంగా ఏర్పడింది. బంగారం, భూమి విలువలను సమానంగా చూస్తుండటంతో తమ వద్ద ఉన్న కొద్దిపాటి సొమ్ముతో బంగారాన్ని కొనుగోలు చేయడానికే ఎక్కువ మంది ఇష్టపడుతున్నారు. అందుకే బంగారానికి డిమాండ్ ఏర్పడి ధరలు పెరగుతూ వస్తున్నాయి. కరోనా పీక్ లో ఉన్న సమయంలోనూ బంగారం ధర పెరిగిందంటే అర్థం చేసుకోవచ్చు. ఇక రష్యా - ఉక్రెయిన్ ల మధ్య యుద్ధ ప్రభావం కూడా బంగారం పై కొంత చూపించిందనే చెప్పాలి. పసిడి కొనుగోళ్లకు ఒక సమయం అంటూ లేకపోవడం కూడా డిమాండ్ పెరగడానికి కారణం.