అక్కడ కూడా రాజకీయాలేనా.. చంద్రబాబు వర్సెస్ వాసిరెడ్డి పద్మ

విజ‌య‌వాడ : నగరంలోని ప్ర‌భుత్వ ఆసుప‌త్రిలో శుక్ర‌వారం మ‌ధ్యాహ్నం ఏపీ విప‌క్ష నేత నారా చంద్ర‌బాబునాయుడు, ఏపీ మ‌హిళా క‌మిష‌న్ చైర్‌ప‌ర్స‌న్ వాసిరెడ్డి ప‌ద్మ‌ల మ‌ధ్య తీవ్ర స్థాయిలో వాగ్వాదం చోటుచేసుకుంది. అత్య‌చార బాధితురాలు, ఆమె త‌ల్లి స‌మ‌క్షంలోనే వీరిద్ద‌రూ ఒక‌రిపై మ‌రొక‌రు కేక‌లు వేసుకున్నారు. బాధితురాలిని ప‌రామ‌ర్శించేందుకు వాసిరెడ్డి ప‌ద్మ రాగా అప్ప‌టికే అక్క‌డికి చంద్ర‌బాబు వ‌స్తున్నార‌న్న స‌మాచారంతో ఆసుప‌త్రికి చేరుకున్న టీడీపీ శ్రేణులు ఆమెకు వ్య‌తిరేకంగా నినాదాలు చేశారు. వాసిరెడ్డి ప‌ద్మ లోపలికి వెళ్ళడానికి చాలానే కస్టాలు పడ్డారు. ఆమె వెళిపోక ముందే అక్క‌డికి చంద్ర‌బాబు వచ్చారు. రాష్ట్రంలో ఇంత దారుణాలు జ‌రుగుతుంటే ఏం చేస్తున్నార‌ని వాసిరెడ్డిని చంద్ర‌బాబు ప్ర‌శ్నించారు. తాము కూడా బాధితుల‌కు అండ‌గా నిలుస్తున్నామ‌ని, నేరాల కట్ట‌డికి చ‌ర్య‌లు తీసుకుంటున్నామ‌ని పద్మ బ‌దులిచ్చారు. అలా వాగ్వాదం జ‌రుగుతుండ‌గా టీడీపీ నాయకురాలు పంచుమ‌ర్తి అనురాధ వచ్చి.. వాసిరెడ్డి ప‌ద్మ‌పై విమర్శలు చేశారు. ప‌రిస్థితి చేయి దాటిపోతోంద‌ని భావించిన చంద్ర‌బాబు అనురాధను సంయ‌మనం పాటించాలంటూ సూచించారు.