చంద్రుడి మీద ఎంత వేడి ఉందో.. డేటా పంపిన ప్రజ్ఞాన్ రోవర్
భారత్ ప్రయోగించిన చంద్రయాన్-3 విజయవంతంగా జాబిల్లిపై దిగి చరిత్ర సృష్టించి
భారత్ ప్రయోగించిన చంద్రయాన్-3 విజయవంతంగా జాబిల్లిపై దిగి చరిత్ర సృష్టించిన సంగతి తెలిసిందే. ఈ మిషన్ భాగంగా చంద్రుడిపై దిగిన ప్రజ్ఞాన్ రోవర్ తన పని మొదలుపెట్టింది. విక్రమ్ ల్యాండర్ నుంచి చంద్రుడి ఉపరితలంపైకి దిగిన ప్రజ్ఞాన్ రోవర్ అక్కడి వాతావరణంపై కీలక డేటా పంపించడం మొదలుపెట్టింది. చంద్రుడిపై ఎంత వేడి నమోదైందో తెలిపింది. చంద్రుడి ఉపరితలంపై ఉష్ణోగ్రత 50 డిగ్రీలు ఉన్నట్టు తెలిపింది ప్రజ్ఞాన్ డేటా. చంద్రుడి ఉపరితలంపై పది సెంటీమీటర్ల లోతులోనూ ఉష్ణోగ్రత ఎంత ఉందో తెలుసుకునే సామర్థ్యం ప్రజ్ఞాన్ రోవర్ కు ఉంది. 8 సెంటీమీటర్ల లోతులో మైనస్ 10 డిగ్రీల ఉష్ణోగ్రత ఉన్నట్టు గుర్తించింది. ఈ డేటాను విక్రమ్ ల్యాండర్ ద్వారా భూమికి చేరవేసింది. ఈ విషయంపై ఇస్రో ఓ ప్రకటన చేసింది. చంద్రుడి దక్షిణ ధృవంలో ఎలాంటి ఉష్ణోగ్రతలు ఉంటాయన్న దానిపై ఇప్పటివరకు ఇదే తొలి సమాచారం అని తెలిపింది.