ప్రణయ్ కు షాక్.. ఫైనల్ కు సాత్విక్‌ సాయిరాజ్‌– చిరాగ్‌ శెట్టి జోడి

ఇండోనేషియాలో ఓపెన్‌లో భారతదేశానికి చెందిన సాత్విక్‌ సాయిరాజ్‌– చిరాగ్‌ శెట్టి జోడి సంచలన ప్రదర్శన చేసింది. పురుషుల డబుల్స్‌లో ఫైనల్‌​కు దూసుకెళ్లారు. హోరా హోరీగా సాగిన సెమీ ఫైనల్​లో ఏడో సీడ్‌ భారత జంట 17-21, 21-19, 21-18 తేడాతో సౌత్​ కొరియాకు చెందిన కాంగ్‌ మిన్‌ హిక్‌–సియో సెంగ్‌ జె జోడీని చిత్తు చేసి టైటిల్ పోరుకు అర్హ‌త సాధించింది. బీడబ్ల్యూఎఫ్​ వరల్డ్ టూర్​ సూపర్ 1000 ​టోర్నమెంట్‌లో ఫైనల్ వరకు చేరుకున్న మొద‌టి భార‌త జోడీగా సాత్విక్‌ సాయిరాజ్‌–చిరాగ్‌ శెట్టి రికార్డు సృష్టించారు. ఈ సెమీస్ మ్యాచ్ ఏకంగా​ 67 నిమిషాల పాటు సాగింది. మొదటి సెట్‌ను భారత ద్వయం 17-21తో కోల్పోయింది. కానీ మిగతా రెండు సెట్లలో హోరాహోరీగా పోరాడి 17-21, 21-19, 21-18 తేడాతో విజయం సాధించింది. ఆదివారం జరగనున్న ఫైనల్ లో సాత్విక్‌ సాయిరాజ్‌– చిరాగ్‌ శెట్టి జోడి టైటిల్ గెలుస్తారో లేదో చూడాలి.