వివేకా హత్య కేసులో ముందు విచారించాల్సింది చంద్రబాబుని : కేఏ పాల్

చంద్రబాబే దస్తగిరితో ఇదంతా చేయించాడని, దాని ఫలితంగానే దస్తగిరి జైలులో ఉన్నాడని ఆరోపించారు. చంద్రబాబు, ఆదినారాయణరెడ్డి, వివేకా రెండో భార్య ను సీబీఐ విచారణ చేయాల్సిన అవసరం ఉందన్నారు. అవినాష్ రెడ్డి తన తల్లి అనారోగ్యం కారణంగా ముందస్తు బెయిల్ కోసం కోర్టును ఆశ్రయిస్తే.. తప్పించుకుంటున్నాడని ఆరోపణలు చేయడం తగదన్నారు. అవినాష్ రెడ్డికి వివేకా హత్యకు సంబంధం లేదని తెలుస్తుందని, అవినాష్ ను కావాలనే ఇరికించే ప్రయత్నం చేస్తున్నారని కేఏ పాల్ అన్నారు. అవినాష్ రెడ్డి బెయిల్ తీర్పు సందర్భంగా కేఏ పాల్ చేసిన వ్యాఖ్యలు సంచలనమయ్యాయి.