మంత్రి మల్లారెడ్డికి ఇండియా బుక్ ఆఫ్ రికార్డ్స్

పాలమ్మిన.. పూలమ్మిన.. కష్టపడ్డ అంటూ వార్తల్లో నిలిచే మంత్రి మల్లారెడ్డిని ఇండియా బుక్ ఆఫ్ రికార్డ్స్ విజనరీ మ్యాన్ అవార్డ్ వరించింది. సూరారంలోని మెడికల్ కాలేజీలో జరిగిన కార్యక్రమంలో మంత్రి మల్లారెడ్డి ఈ విషయాన్ని వెల్లడించారు. ప్రజల ఆశీర్వాదంతోనే ఇంతటి వాడినయ్యానని, ఎన్నో కాలేజీని ఏర్పాటు చేసి డాక్టర్లు, ఇంజనీర్లను తీర్చిదిద్దడం గర్వంగా ఉందన్నారు. తమ కాలేజీలో నాణ్యమైన కోర్సులను అందించి వారు ఒక ఎత్తుకు ఎదిగేలా కృషి చేశానని, అందుకు తన కష్టానికి ఫలితంగా విజనరరీ మ్యాన్ అవార్డు దక్కడం ఎంతో సంతోషంగా ఉందన్నారు. అయితే కష్టపడితే ఎంతటి విజయాన్ని అయిన సాధించవచ్చని చెప్పేందుకు ఇదే నిదర్శనమని అన్నారు.

ప్రజల ఆశీర్వాదంతో నా జీవితంలో ఎన్నో విజయాలు చేకూరాయని అన్నారు. ఇక మిగిలింది ప్రజా జీవితమేనని అన్నారు. ఇంత మంది డాక్టర్ల మధ్య ఈ అవార్డు తీసుకోవడంతో ఎంతో సంతోషంగా ఉందని మల్లారెడ్డి అన్నారు. ఈ సందర్భంగా తనకు అవార్డు వరించడం పట్ల సంతోషం వ్యక్తం చేస్తూ ఈ విషయాలన్ని మెడికో విద్యార్థులతో పంచుకున్నారు.