Summer Effect : మాడు పగులుతోంది.. మధ్యాహ్నం అయితే చాలు... నిప్పుల వర్షమే

దాదాపు అన్ని ప్రాంతాల్లో ఉష్ణోగ్రతలు నలభై డిగ్రీలు దాటేశాయి. దీంతో పాటు వడగాలులు వీస్తున్నాయి. దీంతో ప్రజలు తట్టుకోలేక ఇబ్బందులు పడుతున్నారు. విద్యుత్తు వినియోగం కూడా ఎక్కువయింది. చిరు వ్యాపారులు, రైతులు, కూలీల సంగతి చెప్పాల్సిన పనిలేదు. వాళ్లు ఉపాధి కోసం ఎండలోనే అలమటించిపోతున్నారు. తెలంగాణలోని అన్ని జిల్లాలకు ఇప్పటికే ఆరెంజ్ అలెర్ట్‌ను వాతావరణ శాఖ జారీ చేయడంతో ప్రజలు అప్రమత్తంగా ఉండాలని సూచించినట్లయింది.

తెలంగాణలోని అన్ని జిల్లాల్లో నలభై డిగ్రీల ఉష్ణోగ్రతలు దాటాయి. రోడ్డు మీద వాహనాలు కూడా వెళుతుంటే ఆవిర్లు కనిపిస్తున్నాయి. ఈ ఎండల్లో సొంత వాహనాల్లో ప్రయాణం మానుకోవాలని పలువురు సూచిస్తున్నారు. ప్రమాదానికి గురయ్యే అవకాశముందని హెచ్చరిస్తున్నారు. వృద్ధులు, చిన్న పిల్లలు ఇంటి నుంచి బయటకు రాకపోవడమే మంచిదని వైద్యులు చెుతున్నారు. సాయంత్రం ఐదున్నర గంటల వరకూ ఎండ తీవ్రత ఎక్కువగా ఉంటుండటంతో ప్రజలు తీవ్ర ఇబ్బందులు పడుతున్నారు.