ఏపీలో ఒక లారీ డ్రైవర్ అంటించడంతో…? 18 మందికి…?

విజయవాడలో ఒక లారీ డ్రైవర్ చేసిన నిర్వాకం కారణంగా పదుల సంఖ్యలో కరోనా వైరస్ సోకింది. దీంతో లారీ డ్రైవర్ పై పోలీసులు కేసు నమోదు చేశారు. లాక్ డౌన్ నిబంధనలు ఉల్లంఘించి కోటిరెడ్డి అనే లారీ డ్రైవర్ పశ్చిమ బెంగాల్ నుంచి విజయవాడకు వచ్చారు. వచ్చిన తర్వాత కోటిరెడ్డి తన చుట్టుపక్కల వారితో పేకాట ఆడారు. కొద్దిరోజుల తర్వాత కోటిరెడ్డికి పరీక్షలు నిర్వహించగా కరోనా పాజిటివ్ తేలింది. కోటిరెడ్డితో పేకాట ఆడిన పద్దెనిమిది మందికి కరోనా వైరస్ సోకింది. లారీ డ్రైవర్ కోటిరెడ్డి లాక్ డౌన్ నిబంధనలను ఉల్లంఘించినందుకు అతనిపై కృష్ణలంక పోలీసులు కేసు నమోదు చేశారు.