కాంగ్రెస్‌కు భారీ షాకిచ్చిన ములాయం

కాంగ్రెస్ పార్టీకి స‌మాజ్‌వాది పార్టీ నేత ములాయం సింగ్ యాద‌వ్ భారీ షాకిచ్చారు. మ‌రోసారి ప్ర‌ధాన‌మంత్రిగా న‌రేంద్ర మోడీనే కావాల‌ని ఆయ‌న ఆకాంక్షించారు. పార్ల‌మెంటు చివ‌రి రోజు ఆయ‌న అంద‌రి ముందే న‌రేంద్ర మోడీ వ‌ద్ద‌కు వెళ్లి *మ‌రోసారి మీరే ప్ర‌ధాని కావాలి. అన్ని ప‌నుల‌ను చ‌క్క‌బెట్ట‌డంలో, అన్ని పార్టీల‌ను క‌లుపుకొని పోవ‌డంతో మీరు స‌మ‌ర్థులు. మీ వెంటే మేము ఉంటాము* అని వ్యాఖ్యానించారు. దీంతో అక్క‌డున్న వారంతా షాక‌య్యారు. మోడీకి వ్య‌తిరేకంగా ఏర్ప‌డుతున్న మ‌హాకూట‌మిలో స‌మాజ్‌వాదీ కీల‌కంగా ఉంది. తాజాగా చంద్ర‌బాబు నాయుడు ఢిల్లీలో మోడీకి వ్య‌తిరేకంగా చేసిన దీక్ష‌లోనూ పాల్గొన్న విష‌యం తెలిసిందే.