అక్కడ మళ్లీ మేమే

త్వరలో జరగనున్న ఐదు రాష్ట్రాల ఎన్నికల్లో గెలుపు భారతీయ జనతా పార్టీదేనని ప్రధాని నరేంద్ర మోదీ తెలిపారు. ఈ ఐదు రాష్ట్రాల్లో తమకు అనుకూల పవనాలు వీస్తున్నాయని చెప్పారు. ఏఎన్ఐకి ఇచ్చిన ఇంటర్వ్యూలో ప్రధాని మోదీ దాదాపు 70 నిమిషాలు పాటు పాల్గొన్నారు. వివిధ అంశాలపై స్పందించారు. దేశంలో తమ ప్రభుత్వంపై వ్యతిరేకత అనేది లేదని ఆయన చెప్పారు. ఉత్తర్ ప్రదేశ్, ఉత్తరాఖండ్, పంజాబ్, గోవా, మణిపూర్ లలో ఖచ్చితంగా బీజేపీ విజయం సాధిస్తుందని మోదీ ఆశాభావం వ్యక్తం చేశారు.