Gold Price Today : మరోసారి పరుగు ప్రారంభించిన బంగారం...వెండి మాత్రం నేడు?

బంగారం ధరల్లో నిత్యం మార్పులు చేర్పులు జరుగుతూనే ఉంటాయి. కొత్త ఏడాది వరస షాకులిస్తూ కొనుగోలుదారులను ఆందోళనకు గురి చేస్తుంది. కొత్త సంవత్సరం ప్రారంభం రోజు నుంచే బంగారం ధరలు పెరిగి అందరినీ నిరాశలోకి నెట్టేశాయి. ఇక గత రెండు రోజులుగా ధరలు కొంత తగ్గుతున్నట్లే కనిపించినా పెద్దగా కొనుగోలు దారులను ఆకట్టుకునే రీతిలో మాత్రం లేదు. అలాగే వెండి ధరలు కూడా పెద్దగా మార్పు లేదు. లక్ష రూపాయలకు చేరువలోనే కిలో వెండి ఉండటంతో కొనుగోలుదారులు ఇంకా తగ్గుతాయోమోనన్న ఆశతో ఎదురు చూస్తున్నారు. కానీ ఇప్పట్లో ధరలు తగ్గే అవకాశం లేదని మాత్రం మార్కెట్ నిపుణులు ఖచ్చితంగా చెబుతుండటంతో ధరలు మరింత పెరగకముందే ఇప్పుడే కొనుగోలు చేయడం మంచిదన్న సూచనలు వెలువడుతున్నాయి.