అదే నిజమైతే చర్యలు తప్పవు

ఎస్వీబీసీ ఛైర్మన్ పృథ్వీరాజ్ నిజంగా అలాంట ిపనులు చేసి ఉంటే తాము చర్యలు తీసుకుంటామని టీటీడీ ఛైర్మన్ వైవీ సుబ్బారెడ్డి తెలిపారు. దీనిపై విచారణకు ఆదేశించి నివేదిక కోరతామని వైవీ తెలిపారు. నివేదికలో పృధ్వీ తప్పుందని తేలితే చర్యలు ఉంటాయని చెప్పారు. తాను పృధ్వీతో ఈ విషయంపై మాట్లాడానని, అయితే తనను ఒక వర్గం టార్గెట్ చేసిందని చెప్పారన్నారు. తనకు ఎలాంటి సంబంధం లేదని, కొందరు కావాలని తనపై దుష్ప్రచారం చేస్తున్నారని తెలిపారు. ఇప్పటికే టీటీడీ విజెలెన్స్ విచారణ జరుపుతుందని, నివేదిక రాగానే ముఖ్యమంత్రి జగన్ దృష్టికి తీసుకెళతామని చెప్పారు. ఎస్వీబీసీ ఛానల్ ను లక్షలాది మంది ప్రజలు నిత్యం వీక్షిస్తుంటారని వైవీ సుబ్బారెడ్డి తెలిపారు.