ఇద్దరిలో ఎవరికో ఛాన్స్?

ఎక్కడైనా.. ఏ రాష్ట్రమైనా.. హోం మంత్రులకు అంత సీనుందా? ఇప్పుడు అందరి నోటా ఇదే ప్రశ్న. నో ఆన్సర్. ఎందుకంటే ఏ ప్రభుత్వంలోనైనా, ఏ రాష్ట్రంలోనైనా హోంమంత్రులకు అంత సీన్ లేదన్నది అందరికీ తెలుసు. కానీ హోం మంత్రి పదవి కోసం మాత్రం పోటీ పడుతున్నారు. ప్రతిపక్షంలో ఉన్నప్పుడు హోంమంత్రి పదవి కావాలనిపిస్తుంది. కానీ అదే అధికారపార్టీలో ఉంటే దానంత వేస్ట్ పదవి మరొకటి ఉండదని ఆ పదవిని అనుభవించిన వారు అందరూ అంగీకరిస్తారు. ఎందుకంటే వారికి అధికారాలుండవు. ఆదేశాలు ఇచ్చే అవకాశముండదు. ప్రొటోకాల్ మినహా మరి ఏ ఇతర అధికారాలు ఉండవు. అది తెలంగాణ అయినా... ఆంధ్రప్రదేశ్ అయినా.. మరే రాష్ట్రమయినా అంతే. బదిలీల నుంచి నియామకాల వరకూ అంతా ముఖ్యమంత్రి కార్యాలయమే చూసుకుంటుంది.