Ys jagan : అందుకే పర్యటనను రద్దు చేసుకున్నా

ఆంధ్రప్రదేశ్ ముఖ్యమంత్రి వైఎస్ జగన్ బద్వేలు నియోజకవర్గ ప్రజలకు బహిరంగ లేఖ రాశారు. తాను కోవిడ్ నిబంధనల కారణంగా ఉప ఎన్నికల ప్రచారానికి రాలేకపోతున్నానని, బద్వేలు వైసీపీ అభ్యర్థి దాసరి సుధను అఖండ మెజారిటీతో దీవించాలని జగన్ తన లేఖలో కోరారు. తాను ప్రచారానికి వస్తే ఎక్కువ మంది ప్రజలు గుమికూడటం వల్ల కోవిడ్ సోకే ప్రమాదం ఉందని భావించి తన పర్యటనను రద్దు చేసుకున్నానని జగన్ తన లేఖలో పేర్కొన్నారు.

ప్రతి ఇంటికీ పథకం….

ప్రతి ఇంట్లో అవసరాన్ని ఆసరాగా చేసుకుని ప్రభుత్వం పథకాలను అందిస్తుందని, అందరికీ పథకాలు అందాయని తెలిసి సంతోషిస్తున్నానని జగన్ తెలిపారు. వెంకటసుబ్బయ్య మరణంతో వచ్చిన ఈ ఎన్నికల్లో ఆయన సతీమణిని అఖండ మెజారిటీతో గెలిపించాలని జగన్ లేఖలో పేర్కొన్నారు. ప్రభుత్వ పథకాలు మరిన్ని అందుతాయని ఆయన భరోసా ఇచ్చారు.