Ys jagan: సీఎం నవీన్ ను కలవనున్న జగన్

ఆంధ్రప్రదేశ్ ముఖ్యమంత్రి వైఎస్ జగన్ కీలక నిర్ణయం తీసుకున్నారు. ఈ నెల 9న ఒడిశా ముఖ్యమంత్రి నవీన్ పట్నాయక్ ను కలవనున్నారు. రెండు రాష్ట్రాల మధ్య నెలకొన్న జలవివాదంపై జగన్ నవీన్ పట్నాయక్ తో చర్చిస్తారు. జగన్ ముఖ్యమంత్రి అయిన తర్వాత పొరుగు రాష్ట్రాలతో ఉన్న జలవివాదాలను పరిష్కరించుకునే ప్రయత్నం చేశారు. తెలంగాణ ముఖ్యమంత్రి కేసీఆర్ ను గతంలో కలసి చర్చలు జరిపారు.

నేరడి బ్యారేజీ నిర్మాణంపై….

ఒడిశాతో కూడా నేరడి బ్యారేజీ నిర్మాణంపై ఒడిశా ప్రభుత్వం అభ్యంతరం వ్యక్తం చేస్తుంది. వంశధార నదిపై నిర్మించనున్న నేరడి బ్యారేజీ నిర్మాణంపై సహకారం అందించాలని జగన్ కోరనున్నారు. పోలవరం పై కూడా చర్చించనున్నారు. 80 టీఎంసీల నీరు సముద్రంలో వృధాగా పోతున్నందున నేరడి బ్యారేజీ నిర్మాణానికి సహకరించాలని కోరనున్నారు.