World Cup 2023 : శ్రీలంక మాదిరిగానే సౌతాఫ్రికా... దానికి కారణం జడేజాయే కదా

నిన్న కోల్‌కత్తా ఈడెన్ గార్డెన్స్ లో టీం ఇండియా విజయం అభిమానుల్లో ఫుల్లు జోష్ నింపింది. ఈ విజయానికి అత్యధిక పరుగులు చేసిన విరాట్ కోహ్లి, శ్రేయస్ అయ్యర్ ఒక కారణమైతే.. బౌలర్లలో జడేజా తన స్పిన్ మాయాజాలంతో ఐదు వికెట్లు తీయడం కూడా అలవోకగా విజయాన్ని సాధించి పెట్టింది. విరాట్ కోహ్లి 101 పరుగుల చేసి తన పుట్టిన రోజు అభిమానులకు సెంచరీ కానుకగా ఇస్తే, శ్రేయస్ అయ్యర్ కూడా సూపర్ ఇన్సింగ్స్ ఆడి 326 పరుగులు చేసి సౌతాఫ్రికా జట్టు ముందు అత్యధిక స్కోరు ఉంచగలిగాడు.

తొలుత సిరాజ్ డికాక్ వికెట్ తీయడంతో కొంత సౌతాఫ్రికా జట్టును దెబ్బతీశాడు. మహ్మద్ షమి కూడా రెండు వికెట్లు తీశాడు. ఇక జడేజా విషయానికి వస్తే కీలకమైన సాతాఫ్రికా వికెట్లు తన ఖాతాలో వేసుకున్నాడు. జడేజా కారణంగా కేవలం 27 ఓవర్లలోనే సఫారీల కథ ముగిసేలా చేశాడు. చివరలో కులదీప్ యాదవ్ కూడా రెండు వికెట్లు తీయడంతో ఎండ్ కార్డు పడింది. జడేజా స్పిన్ తో సాతాఫ్రికాకు చెందిన ఆటగాళ్లు కుదురుగా నిలిచేందుకే ఇబ్బంది పడ్డారు. ఎవరూ ఇరవై పరుగులకు మించి చేయలేకపోయారంటే అర్థం చేసుకోవచ్చు. సౌతాఫ్రికా జట్టులో అత్యధిక స్కోరు చేసింది జాన్సన్ చేసిన పథ్నాలుగు పరుగులు మాత్రమే కావడం గమనార్హం. మిగిలిన ఆటగాళ్లు అతి తక్కువ పరుగులకు అవుటయ్యారు. దీంతో జడేజాపై సర్వత్రా ప్రశంసంలు కురుస్తున్నాయి.