World Cup Finals 2023 : సంబరపడినంత సేపు లేదు... చతికలపడటానికి

బలవంతులమనుకున్నాం. మనమే ముందున్నామని సంబరపడ్డాం. తిరుగులేదని భావించాం. ఎన్ని ఆశలు.. పన్నెండేళ్ల తర్వాత కోరిక నెరవేరబోతుందన్న కోట్లాది మంది భారతీయుల ఆకాంక్షలు ఆవిరయ్యాయి. ఒకటి కాదు.. రెండు కాదు.. ఈ క్షణాల కోసం పన్నెండేళ్లు వెయిట్ చేశాం. గతంలో ఎన్నడూ లేని విధంగా జట్టు బలంగా ఉందని జబ్బలు చరచుకున్నంత సేపు లేదు కప్పును కోల్పోడానికి. ఈ వరల్డ్ కప్ లో భారత్ - ఆస్ట్రేలియాపై ఓటమి పాలు కావడాన్ని అభిమానులు ఎవరూ జీర్ణించుకోలేకపోతున్నారు. ఇది కల అయితే ఎంత బాగుండు అని అనుకునే పరిస్థితి వచ్చిందంటే ఎంతగా మదనపడుతున్నారో వేరే చెప్పాల్సిన పనిలేదు. ఓటమి చెందారని విమర్శలు చేయడం కాదు కానీ.. జరిగిన తప్పొప్పులను సమీక్షించుకుని ముందుకు వెళ్లడమే మంచిది.