World Cup : వరుస ఓటములతో అంత కఠిన నిర్ణయమా... ఫ్యాన్స్ ఒత్తిడికి భయపడేనా?

నిజానికి శ్రీలంకకు భారత్ మైదానాలు అన్నీ బాగా తెలిసినవే. పొరుగు దేశమైన శ్రీలంక  అనేక సార్లు ఇండియా పిచ్ లపై ఆడింది. ఇటీవలే వరల్డ్ కప్ ముందు కూడా సిరీస్ ను ఆడింది. ఆసియా కప్ లో చెలరేగి ఆడి అన్ని జట్లను ఓడించిన శ్రీలంక జట్టు వరల్డ్ కప్ లో మాత్రం పూర్తిగా చేతులెత్తేసింది. ఎంతగా అంటే ఆప్ఘనిస్థాన్ కంటే ఘోరంగా ఆడి ఆ దేశ క్రికెట్ ఫ్యాన్స్ ఆగ్రహానికి గురయిందనే చెప్పాలి. వరల్డ్ కప్ ప్రారంభమైనప్పుడు శ్రీలంక కూడా సెమీ ఫైనల్స్ కు దూసుకు వస్తుందన్న అంచనాలను జట్టు ఏమాత్రం నిలబెట్టుకోలేకపోయింది. బోర్డును రద్దు చేసి మాజీ క్రికెటర్ అర్జున్ రణతుంగ నేతృత్వంలో తాత్కాలిక కమిటీని నియమించింది.

తాజాగా భారత్ తో ఆడిన మ్యాచ్ లో శ్రీలంక జట్టు మరీ బలహీనమైన ప్రదర్శనను కనపర్చింది. జట్టు మొత్తం ఫెయిలయింది. భారత్ తొలుత బ్యాటింగ్ చేసి 358 పరుగులు చేసింది. ఛేదనలో 55 పరుగులు మాత్రమే చేి ఆల్ అవుట్ అయింది. అంటే 300 పరుగుల తేడాతో ఓటమి పాలయింది. దీంతో శ్రీలంక క్రికెట్ బోర్డును రద్దు చేస్తూ నిర్ణయం తీసుకుంది. ఈరోజు బంగ్లాదేశ్ తో మ్యాచ్ ప్రారంభకావడానికి ముందు బోర్డును రద్దు చేయడం విశేషం. పేలవ ప్రదర్శన కారణంగానే శ్రీలంక ఈ నిర్ణయం తీసుకుంది.