World Cup 2023 : ఫోకస్ అంతా గ్యాలరీ వైపే.. కోహ్లి వికెట్ తీయగానే

అయితే ఒకే ఒక ఫ్రేమ్ మాత్రం అదిరిపోయింది. అదీ విరాట్ కోహ్లి బౌలింగ్ లో నెదర్లాండ్స్ ఆటగాడు అవుటయినప్పుడు. అసలు ఇది నిజమా? అని అనుష్క చూపిన హావభావాలను యావత్ క్రికెట్ అభిమానులను కట్టిపడేశాయి. నెదర్లాండ్స్ తో నిన్న భారత్ ఆడిన మ్యాచ్ కు అనూష్క శర్మ హాజరయ్యారు. బెంగళూరులోని చిన్న స్వామి స్టేడియంలో జరిగిన ఈ మ్యాచ్ లో ఆరేళ్ల తర్వాత కోహ్లి వికెట్ తీశాడు. అసలు విరాట్ కోహ్లి చేత బౌలింగ్ చేయించాలని స్టేడియంలో అభిమానులు కోరగా రోహిత్ కాదనలేకపోయాడు.

పైగా భారీ లక్ష్యం భారత్ నెదర్లాండ్స్ ముందు ఉంచింది. భారత్ తొలుత బ్యాటింగ్ చేసి 410 పరుగులు చేసింది. ఈ మ్యాచ్ లో విరాట్ కోహ్లి అర్థ శతకం బాదేశాడు. దీంతో రోహిత్ శర్మ కూడా విరాట్ కు బంతి ఇచ్చి బౌలింగ్ చేయమన్నాడు. 23వ ఓవర్ వేసిన విరాట్ ఏడు పరుగులు ఇచ్చాడు. అనంతరం 25 ఓవర్ వేసిన విరాట్ నెదర్లాండ్స్ కెప్టెన్ ఎడ్వర్డ్స్ ను అవుట్ చేశాడు. దీంతో స్టేడియం మొత్తం దద్దరిల్లిపోయింది. కోహ్లి కూడా పండగ చేసుకున్నాడు. ఇక అనూష్క సంగతి అయితే చెప్పాల్సిన పనిలేదు. ఆమె ఎగురుతూ చప్పుట్లు కొడుతూ గంతులేయడం కెమెరాలు బంధించాయి. ఈ మ్యాచ్ లో రోహిత్ శర్మ కూడా బౌలింగ్ చేసి ఒక వికెట్ తీశాడు.