శ్రీవారి దర్శనానికి 40 గంటలు
వైకుంఠం క్యూ కాంప్లెక్స్ లోని కంపార్ట్‌మెంట్లన్నీ భక్తులతో నిండిపోయి శిలా తోరణం వరకూ క్యూ లైన్ కొనసాగుతుంది.
తిరుమలలో భక్తుల రద్దీ ఏమాత్రం తగ్గడం లేదు. మంగళవారం కూడా భక్తుల రద్దీ కొనసాగుతుంది. వైకుంఠం క్యూ కాంప్లెక్స్ లోని కంపార్ట్‌మెంట్లన్నీ భక్తులతో నిండిపోయి శిలా తోరణం వరకూ క్యూ లైన్ కొనసాగుతుంది. వీరికి దర్శనం సమయం 40 గంటలు పడుతుందని తిరుమల తిరుపతి దేవస్థానం అధికారులు చెబుతున్నారు. రూ.300లు ప్రత్యేక దర్శనం టిక్కెట్లు కొనుగోలు చేసిన భక్తులకు మూడు నుంచి నాలుగు గంటల సమయం పడుతుందని తెలిపారు.
హుండీ ఆదాయం....
నిన్న తిరుమల శ్రీవారిని 83,223 మంది భక్తులు దర్శించుకున్నారు. వీరిలో 36,658 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.73 కోట్ల రూపాయలు వచ్చిందని తిరుమల తిరుపతి దేవస్థానం అధికారులు వెల్లడించారు.