వైసీపీకి సూపర్ న్యూస్ చెప్పిన ప్రముఖ జ్యోతిష్యుడు

ప్రముఖ జ్యోతిష్కుడు రుద్ర కరణ్ ప్రతాప్ ఏపీ రాజకీయాలకు సంబంధించి సంచలన ప్రకటన చేశారు. వచ్చే ఎన్నికల్లో ఏపీలో మరోసారి అధికారంలోకి రాబోయేది వైఎస్ జగనే అని తేల్చి చెప్పారు. వైఎస్ జగన్ సారథ్యంలో ఏపీలో మళ్లీ వైఎస్ఆర్ కాంగ్రెస్ పార్టీ ప్రభుత్వాన్ని ఏర్పాటు చేస్తుందని అంచనా వేసినట్లు వివరించారు. పూర్తి కాలం పాటు వైఎస్ జగన్ ముఖ్యమంత్రిగా అధికారంలో ఉంటారని చెబుతూ ఓ ట్వీట్ చేశారు. గతంలో కర్ణాటక అసెంబ్లీ ఎన్నికల్లో కాంగ్రెస్ ఘన విజయం సాధిస్తుందని రుద్ర కరణ్ ప్రతాప్ అంచనా వేశారు. మే నెలలో బీజేపీకి అన్నీ చేదు అనుభవాలు ఎదురవుతాయని, ఆ పార్టీ ఎదురుదెబ్బలను చవి చూస్తుందంటూ హెచ్చరించారు. కర్ణాటకలో కాంగ్రెస్ పార్టీకి 122 నుంచి 133 సీట్లు లభిస్తాయంటూ ఏప్రిల్ 18వ తేదీన ట్వీట్ చేశారు. కర్ణాటక అసెంబ్లీ ఎన్నికల ఫలితాలు వెలువడినప్పుడు ఆ ట్వీట్స్ సోషల్ మీడియాలో వైరల్‌గా మారాయి. ఆయన అంచనా వేసినట్టే కాంగ్రెస్ పార్టీ ఈ ఎన్నికల్లో 135 సీట్లను సాధించింది. ఏపీ పాలిటిక్స్ పరంగా కూడా ఆయన చేసిన ట్వీట్ ఇప్పుడు హాట్ టాపిక్ గా మారనుంది. వైసీపీని ఎలాగైనా గద్దె దించాలని టీడీపీ, జనసేనలు భావిస్తున్న తరుణంలో ఆయన చెప్పిన జోస్యం హాట్ టాపిక్ గా మారింది.