తెలుగు విద్యార్థులను తీసుకు వచ్చేందుకు?

మణిపూర్‌లో ఉద్రిక్తతలు నెలకొన్న నేపథ్యంలో చిక్కుకుపోయిన తెలుగు విద్యార్ధులను తీసుకు వచ్చేందుకు ఏపీ ప్రభుత్వం చర్యలు తీసుకుంటుంది. సురక్షితంగా వారి స్వస్ధలాలకు చేర్చేందుకు రాష్ట్ర ప్రభుత్వం ప్రయత్నాలు ముమ్మరం చేసింది. ఈ మేరకు కేంద్ర ప్రభుత్వంతో సమన్వయం చేసుకుంటోంది. ఇప్పటివరకు దాదాపు 157 మంది ఏపీ విద్యార్థులు మణిపూర్ లో చదువు తున్నట్టు గుర్తించారు. మరోవైపు మణిపూర్‌లోని తెలుగు విద్యార్ధులున్న కళాశాలలో ఒక్కో కాలేజీ నుంచి ఒక్కో విద్యార్ధిని నోడల్‌ పాయింట్‌గా అధికారులు గుర్తించారు. వారిద్వారా ఆయా కాలేజీల్లోని ఏపీకి చెందిన మిగిలిన విద్యార్ధుల వివరాలను సేకరిస్తున్నారు. వీరిని ప్రత్యేక విమానం ద్వారా సొంత ప్రాంతాలకు తరలించేందుకు ఏర్పాట్లు చేస్తున్నారు.